You are here

O’qituvchi va murabbiylar kuni munosabati bilan bir qator O’zbekiston fuqarolari fahriy unvonlar bilan taqdirlandi

Gj4A7KUNCeNBqA6sLw2Nshw7WZVdkUzN

2016 yil 29 sentyabr’ kuni O’qituvchi va murabbiylar kuni munosabati bilan ta`lim-tarbiya tizimida alohida o’rnak ko’rsatgan hodimlardan bir guruhini mukofotlash to’g’risida O’zbekiston prezidenti vazifasini bajaruvchi Shavkat MirziyoYevning farmoni e`lon qilindi. Hujjat matni O’zA tomonidan taqdim etilgan.

O’qituvchi va murabbiylar kuni munosabati bilan ta`lim-tarbiya tizimida alohida o’rnak ko’rsatgan hodimlardan bir guruhini mukofotlash to’g’risida

Farmonga muvofiq, O’zbekistonda yosh avlodning intellektual va ma`naviy salohiyatini yuksaltirish, ularni ona Vatanga muhabbat, istiqlol g’oyalariga sadoqat ruhida tarbiyalash ishlariga qo’shgan salmoqli hissasi, ta`lim-tarbiya tizimidagi ko’p yillik samarali mehnati, yoshlarga ilm-fan asoslari va zamonaviy kasb-hunarlarni o’rgatishdagi fidoyiligi hamda ijtimoiy hayotdagi faol ishtiroki uchun bir qancha O’zbekiston fuqarolari quyidagi fahriy unvonlar bilan taqdirlanadi:

  • «O’zbekiston Respublikasi halq o’qituvchisi»;
  • «O’zbekiston Respublikasida hizmat ko’rsatgan halq ta`limi hodimi»;
  • «O’zbekiston Respublikasida hizmat ko’rsatgan yoshlar murabbiysi»;
  • «O’zbekiston Respublikasida hizmat ko’rsatgan sport ustozi».

Shuningdek, O’zbekistonda ta`lim sohasini zamonaviy talablar asosida takomillashtirish, o’zbek halqining madaniyati va ma`naviyatini yuksaltirish ishlariga qo’shgan munosib hissasi, yosh avlodni sog’lom va barkamol voyaga Yetkazish, ularni vatanparvarlik, milliy istiqlol g’oyasiga sadoqat ruhida tarbiyalash borasidagi ko’p yillik samarali mehnati hamda jamoat ishlaridagi faol ishtiroki uchun bir qator o’qituvchi va murabbiylar quyidagi medal’ va ordenlar bilan mukofotlandi:

  • «Fidokorona hizmatlari uchun» ordeni;
  • «Mehnat shuhrati» ordeni;
  • II darajali «Sog’lom avlod uchun» ordeni;
  • «Do’stlik» ordeni;
  • «Shuhrat» medali.

Добавить комментарий

Top